मनको पर्खाल

तिम्रा स्तुति गाउने
हज्जारौँ मनहरू
देखिरहेछु ।
मेरो अन्तर्मन
विद्रोहमा छ
यस युगप्रति नै
उज्यालोदेखि तर्सेर
खडा गरिरहेछन् मनका पर्खालहरु
म देखिरहेछु
अखबारहरुमा
तिम्रा बाटाहरु
अन्धकारका पेटी उक्लिरहेका छन् ।

आकाशको विशालता बिर्सेर
नमीठो हाँसोको
जलप लागिरहेछ
तिम्रा ओठहरूमा
एउटा गोरेटो बाटो
रोकिन्छ
तिम्रो पर्खालको छेउमा
मसँग पश्नहरुका पर्खालहरु छन्
मलाई थाह छ
पर्खाल नै तिम्रो बाटो हो
र पर्खालमा नै तिम्रो बाटो छ।

बागबजार, काठमाण्डौं ।
जयराम तिमल्सिनाको फेसबुकबाट साभार ।

Please follow and like us:

0

20

20

20