-बिबश बिप्र
             ब्युँझिएर, 
             आफ्नै आँखाले
             वयस्क सपनाहरुको अतिक्रमण गर्दा
            दिमागभरि उम्रिएका घडीफुलको छटपटी
            लाग्छ- क्रोध पिइरहेछ 


           कच्चा नक्षेत्रको संयोजनमा
          पन्ध्रौ सताब्दीतिरकी एउटी सुत्केरी
          मुखको जुठो नपुछिकन
         उल्लिखित सपनाहरु उपर






जुलुमी वेतनको
किस्ताबन्दी खाम थोपर्दैछिन l
 
अनुमतिपत्रको शिलबन्दि आह्वानसंगै
टल्किएकी चाँदनी-
घडीफुलको बैंश फक्रिएको हेरिदिन्छिन-
-एकटकले,
अण्डाकार वगैंचाभित्रका
ए/एक बोटहरुलाई मुकदर्शक बनाउँदै l
 
सदियौसम्म नतँग्रिएकी उनि-को हातका सिताहरु
दृष्टिका तापले सुक्न सक्छन l
 
हात जोडिएका पाखुराहरुमा
श्रीजित रोमकूपले पनि
चाँदको पराबैजनी आवर्तनमा
दृष्टिबिहिनता  सहनुपर्ला……l
 
प्रिय चाँदनी,
तिम्रो दर्शनसंयन्त्रको ज्योति
भोलि माटोका कण-कणलाइ पनि छेड्नसक्छ ..l
 
ए चाँदनी,
के गड्यौलालाइ पनि यो नियम लागु हुन्छ ??
हुन

तिमीले  भरखर सपनाहरुको बैंश हेरेकीछ्यौ l
प्रस्ताबनाका तिम्रा देखाईहरु
मेरा सोचाइ नहुन सक्छन l
 
तैपनि
एकपटक मेरा सोचाइ हेर्नु
दुइपटक मेरा सोचाइ सोच्नु
बरु,
मलाइ पनि बिर्सनु

तर-
-नबिर्सनु है मेरो प्रश्न..
प्रिय चाँदनी,
के गड्यौलालाइ पनि यो नियम लागु हुन्छ ??
 
उत्तर
प्रतीक्षा

उही तिम्रो घडीफुल l

२१ अक्टोबर २०१०,आबुधाबी l


Please follow and like us:
error0
fb-share-icon20
Tweet 20
fb-share-icon20

Leave a Reply:

Your email address will not be published. Required fields are marked *