कसैले,
हेलो भन्दैनन्,
कतिले,
“दर्शन” पनि फर्काउनु हुन्न,
धेरैले त्यस्तै गर्छन अचेल उसलाई,
सधै हिड्ने सडक पेटी हरुले,
थकाइ मार्ने चौतारा हरुले,
चिया पसल र भट्टी समेत,
सबैले,
दुइ चार बर्षकै फेरमा,
उ निक्कै बिरानो देखिइसक्यो,
सबैले उसलाई नचिनेझैं गर्छन,
तर पनि उ,
लुखुर लुखुर
त्यहि बाटो
घाम र झरी नभनी,
साँझ बिहान हिडेकै छ!
एकदिन,
अचानक,
झरी बाट उम्कन,
पसलको ओत लाग्दा,
बल्ल,
पुरानै भए पनि,
सानै भए पनि,
टोयोटाको याद आयो!
पजेरोको याद आयो,
अनि याद आयो,
समुद्रपार देखि,
किन,
यी सबै,
उसका छिमेकमा आए,
अनि,
सबैका अभिन्न अंग झैं,
चिर परिचित भए,
आफू भने,
सधै त्यहिँ भएर पनि,
सबैको,
सधैको,
बिरानो छ!
उसलाई,
कसैले नमस्ते भन्दैन!
Please follow and like us:
- याक्थुङ पहिचान र कुवाना कुजाका सुब्बाहरु- कृष्णकुमार हेम्ब्या
- म खुसी बटुल्दै हिँडेँ- शर्मिला खड्का (दाहाल)
- अर्को युटोपिया – महेश कार्की ‘क्षितिज’
- लघुकथा: टाइम मशिन मनोज रेग्मी
- लघुकथा – चेतना -प्रेम पुन मगर
- भाइभाइको प्रेम -शेर सिंह
- नेपाली भाषालाई खजजुम्ली भन्न र नेपाली साहित्यको परिभाषा सच्याउन तिगेलाको ज्ञापनपत्र
Sahitya Samachar