उजाड मेरो

अनुमति नलिएरै सपनीमा आइदिन्छ्यौ
उजाड मेरो मुटुभित्र जून बनी छाइदिन्छ्यौ ।

अतीत सबै बल्झी नयनहरू भिज्न थाले
मनले आज तिम्रा तस्विरहरू खिच्न थाले
विरहका गीतहरू अझै तिमी गाइदिन्छ्यौ
अनुमति नलिएरै सपनीमा आइदिन्छ्यौ ।

ऑंसुका सागरमाथि कतिन्जेल पौडी राखूँ
कुन विश्वासले अझै म तिम्रो पछि दौडी राखूँ
अस्मिता नै डुबाएर झुठो वाचा खाइदिन्छ्यौ
अनुमति नलिएरै सपनीमा आइदिन्छ्यौ ।

Please follow and like us:

0

20

20

20