अगि अगि हिड्नेलाई चिन्ने भए
हजुर म त पछि पछि हिड्ने भएँ
जे जे देखायो गमेर हेर्ने भए
हजुर म त हस् भनि टेर्ने भएँ
आउ भन्दा आउछन् घुम भन्दा घुम्छन्
हजुर म त लुखुर लुखुर घुमाउने भए
ख्वाइदिदा खान्छन् पिलाउदा पिउँछन्
हजुर म त लड्लान् भनि समाउने भएँ
हतार हतार लिन जाउ फेरि पुर्याउ
हजुर म त तातो न छारो व्यस्त भएँ
स्वागत ग्रहण गर्छन् जुँगा ताउ दिन्छन्
हजुर म त मै हो कि भनि मस्त भएँ
अगि अगि हिड्नेलाई खिच्ने भए
हजुर म त पछि पछि खिस्स भएँ
बसाइ दिदा बस्ने बोल्न दिदा बोल्ने भए
हजुर म त छेउमा खुम्चिएर हिस्स भएँ
Please follow and like us:
- याक्थुङ पहिचान र कुवाना कुजाका सुब्बाहरु- कृष्णकुमार हेम्ब्या
- म खुसी बटुल्दै हिँडेँ- शर्मिला खड्का (दाहाल)
- अर्को युटोपिया – महेश कार्की ‘क्षितिज’
- लघुकथा: टाइम मशिन मनोज रेग्मी
- लघुकथा – चेतना -प्रेम पुन मगर
- भाइभाइको प्रेम -शेर सिंह
- नेपाली भाषालाई खजजुम्ली भन्न र नेपाली साहित्यको परिभाषा सच्याउन तिगेलाको ज्ञापनपत्र
Sahitya Samachar