नरिसाउ है महादेव !

नरिसाउ है महादेव !
मैले तिम्रो नाममा ब्रत बसिन
हेर त –
हातमा पुँजाको थालि छैन
छैन तिमीलाई खुशी पार्न
बिनम्र स्तुतिका शब्दहरु
न छ चाहिएको मलाई
तिम्रो कृपा
न आदी न अन्त्य तिम्रो सामु
दिर्गायुको कामनाको अर्थ छैन

नरिसाउ है महादेव !
मैले तिम्रो नाममा रातै रङ्गिन चाहिन
हेर त –
म हिमालकी छोरी
म सँग –
आफ्नै सेतो रङ्ग छ
तिम्रो तेस्रो आँखालाई समेत
बेवास्ता गर्दै
सदा-सदा
आफ्नै रङ्गमा रमाउन चाहन्छु

ससाभार-फेसबूक