गणतन्त्र कतै लुक्यो भन्दैछन् मान्छेहरू
बलिदानी शिर झुक्यो भन्दैछन् मान्छेहरू ।
राहतका मूल सबै अनायासै टालिएर
गरिबको घॉंटी सुक्यो भन्दैछन् मान्छेहरू ।
पौरखको परिभाषा हत्केलामै हराउ‘ंदा
स्वाभिमानी मन दुख्यो भन्दैछन् मान्छेहरू ।
जब–जब बोल्छन् परजिवी ब्वॉंसाहरू
दानवले फेरि भुक्यो भन्दैछन् मान्छेहरू ।
यो देशमा राजनेता अझैसम्म नजन्मदा
नेपालीको भाग्य चुक्यो भन्दैछन् मान्छेहरू ।
००
Please follow and like us:
0
20
20
20