– हरि मानन्धर “विवश”
वियोगको आँशुसँगै, आफ्नै व्यथा लेखेको छु
साँच्चै फर्की आउँछु प्यारी सपना नि देखेको छु ।
तिमी विना सधैँभरि विवशतामा बाँचेको छु
तिम्रो फोन आउँदा मात्रै बल्लतल्ल हाँसेको छु
परदेशको जिन्दगीमा, सयौं दुःख खेपेको छु
साँच्चै फर्की आउँछु प्यारी सपना नि देखेको छु ।
तिमीसँग भेट हुने, दिन पनि गनेको छु
फर्कि विदेश आउनेछैन सबैलार्इ भनेको छु
कल्पनामा बहकिँदै सुन्दर पाइला टेकेको छु
साँच्चै फर्की आउँछु प्यारी सपना नि देखेको छु ।
वियोगको आँशुसँगै, आफ्नै व्यथा लेखेको छु
साँच्चै फर्की आउँछु प्यारी सपना नि देखेको छु ।
Please follow and like us:
1
20
20
20