चर्चा किन्न भौतारिने हजार छ यहाँ
त्यसैले त चर्चा बेच्ने बजार छ यहाँ !
एउटा मुहार दुइटा रुप मान्छे चिन्नै गाह्रो
कसको हातमा जहर भर्ने औजार छ यहाँ !
दुनियाँको आँखा छल्दै कालो धन्दा गर्छन्
कर्तुत ढाक्ने टालो बाध्ने इजार छ यहाँ !
निर्दोषलाई दोषी बनाई दोषी देवता बन्छन्
जाली फटाहालाई संसार गुलजार छ यहाँ !
असत्यको हार हुन्छ समय आउनु पर्छ
एउटा युगिन दिनको इन्तजार छ यहाँ !
Please follow and like us:
0
20
20
20