सादा जीवन बिताउन आजैदेखि थालौं
धनी बन्ने मृगतृष्णा मनबाट फालौं ।
पापको कमाई होइन मिहिनेती बनौं
भ्रष्टाचार गर्दिन कहिल्यै आजैबाट भनौ ।।
खराब चरित्र आजै त्याग्नुपर्छ
आफ्नै पौरखमा रमाउनुपर्छ ।
राम्रो गुण, संस्कारको अनुसरण गरौं
भौतिक सुख होइन खुशीयाली भरौं ।।
राजनीति होस् या प्रशासन सबैतिर
हाम्रो होइन राम्रो मान्छे छानौं मिलेर ।
सबै जन्ता मिल्न सके असम्भव छैन
भ्रष्टाचारी, घुसखोरी हाम्लाई चाहिदैन ।।
भ्रष्टचार गरी जति कमाए पनि
चैन दिने छैन यस्ले कसैलाई पनि ।
न त सुख यसबाट न त सन्तोष मिल्छ ।
सदाचारी बन्न सके मात्र शान्ति मिल्छ ।।
समाप्त
Please follow and like us:
0
20
20
20