घनस्याम शर्मा र केदार सङ्केत जैमली पुरस्कारबाट सम्मानित

असोज १०, काठमाण्डेोँ ।

जैमली साहित्य पुरस्कार कथाकार घनश्याम शर्माको ‘छिरिङ डोल्मा र अनाम सहिदहरू’ लाई प्रदान गरिने भएको छ ।

यस्तै जैमली डायस्पोरा साहित्य पुरस्कार निवन्धकार केदार सङ्केतद्वारा सम्पादित ‘यात्रा स्पर्श’ लाई प्रदान गर्ने निर्णय गरिएको हरिप्रसाद पौड्याल स्मृति प्रतिष्ठानले जनाएको छ ।

हरिप्रसाद पौड्याल स्मृति कोषद्वारा कथाकार शिवप्रकाशको कथा कृति “जैमली” को नाममा स्थापित जैमली साहित्य पुरस्कारको राशी १५ हजार र र जैमली डायस्पोरा पुरस्कारको राशी १० हजार छ । घरदेश र परदेशका स्रष्टाहरुका विभिन्न विधाका तीन दर्जन कृति मध्येबाट पुरस्कार चयन कमिटीले यी दुई कतिलाई पुरस्कार प्रदान गर्ने निर्णय गरेको हो ।

दुवै पुरस्कार काठमाडौंमा विशेष कार्यक्रम गरी प्रदान गरिने बताइएको छ ।