– भानु सुनुवार ‘तिरस्कृत’
१)
एक्लो जीवन
चाहाना छ कसैको
स्वार्थी हो मान्छे ।
२)
भाषण दिन्छौ
देशको सॆवा गर्ने
देश त रोयो ।
३)
सति सावित्री
किन गर्छौ नाटक
पोई फेरेर ।
४)
टुटेको मन
सपनाको विस्कुन
हाँसेर बसे ।
५)
हिलोको फुल
कस्ले टिपी लाउने
ओईली झर्यो ।
६)
रुन्छ यो मन
तिम्रो याद आउदा
भुलेर गयौ ।
७)
विस्कुन लागे
सहिदको सपना
अंश नमिल्दा ।
८)
हतार कस्तो
अरुको खुशी लुट्न
भोलि मर्नु छ ।
९)
रुप पुजिन्न
यो तिम्रो भ्रममात्र
कत्रो घमन्ड ।
१०)
कुर्चिको मोह
सिंहदवार भित्र
बाँदर पस्यो ।
११)
मान्छेहरु हो
मुटू कता हरायो
लुटेर हाँस्छौ ।
Please follow and like us:
1
20
20
20