गजल

हाँगा काटी मख्ख पर्छन् अक्सर मुर्ख मान्छेहरु
थाहा छैन हुन्छन् रुखका लाखौं जरा अझै पनि ।

मोह छोड ऐलानीको त्यो खेत के तिम्रै हुन्छ?
खाली नै छन् गुँरास फूल्न भिरपहरा अझै पनि ।

यो भुमिमा सिर्जनाका मुना रोप्न निस्केको थें
यि पाउका डोबा होलान् गरा गरा अझै पनि ।

यि मान्छे र समयले धेरै लुटे ‘घायल’बाट
लेख्ने कला बाँकी नै छन् हराभरा अझै पनि ।

दलबीर सिंह बराइली ‘घायल’
गुप्तेश्वर-३, रामेछाप
हाल: अलऐन, संयुक्त अरब ईमिरेट्स
©घायल २०१६