एक्लो थियो यात्रा मेरो

बेसहारा जिन्दगीमा तिम्रो साथ पाए पछि

कहिले पनि नछुटिने तिम्ले कसम खाएपछि

चाहन्छु म पीर भुली तिम्रो काखमा निदाउन
दु:ख सुख तिमीसँगै जिन्दगी भर बिताउन ।

मेरो मनको मन्दिरमा तिमीलाई सजाएर
सधै भरि बाँच्न पाउँ तिम्रो साथमा रमाएर ।
धड्किन्छौ तिमी मेरो हृदयको धड्कन बनी
तिमी नै हौ संसार मेरो तिमी नै खुसी पनि ।

तिमीभन्दा पर मेरो जाने ठाउँ अर्को छैन
खोजेको छु तिम्रो छाँया पिपलु र वरको हैन।
यति चोखो तिम्रो माया न्यानो न्यानो साथ
नछुटोस् है प्रिय कहिल्यै समातेको हात ।

एक्लो थियो यात्रा मेरो तिमी आयौं साथी बनि ।
जुनी जुनी सयौं जुनी सँगै जिउँछु मर्छु भनि ।

Please follow and like us:

0

20

20

20