डेनभरमा दिनभर

‘राजकीय खोँच’
आफ्नो श्रीपेच हुस्सुबाहिर निकालेर
पर्वतमा उफ्रिएका घोरलहरुलाई
अभयदान दिइरहेछ
म यी सबैलाई चिन्छु
यो ढुन्गा, यो वनस्पति
पहाडमुन्तिरको भिरालोमा
लचक्क बसेको रुखको पात
बाटो देखाउँदै अघि बढेको हिउँ
युधिष्ठिर हिँडेको उत्तरापन्थ
सबैलाई म राम्ररी चिन्छु।

पचास वर्ष लामो सडक
आश्चर्यले तन्किरहेछ
आधा शताब्दी पार गरेर
आएको हिमालको मानिस
आफूमाथि निर्धक्क टेकिरहेछ
दिनभर डेनभरमा सडकहरु
यसरी नै आश्चर्यमा खुम्चिरहेछन् ।

Please follow and like us:

1

20

20

20