– हरि मानन्धर ‘विवश’
कहिल्यै नभेटिने
अ/खण्डिकृत जिन्दगीका पछ्याईहरू
निमिमेष दियो बालेर
कठाङ्ग्रिएका चुस्त रातहरूमा
अ/वास्तविक जीवनका
अ/परिस्कृत भोगाईहरू
मेरा भविष्यका पर्खाईहरूमा
अ/प्राकृतिक ध्वनिहरू सुनेर
अगाडि बढ्दैछन् पाइलाहरू ।
कहिल्यै नसकिने
अ/नियन्त्रित यात्राहरूमा
मेरा अन्तर्हृदयका पलेटीहरूबाट
अ/सामान्यजस्यताका धुमील पानाहरूमा
अ/कल्पनीय दृष्टिहरूले
खोजिरहेछन् जीवनहरू ।
म दियालो
अन्धकार हटाएर
सून्यता भित्रै
खोज्दैछु जीवनका दर्शनहरू
कतै गण्डकीका तीरहरूमा
कलाकृत शीलाहरू
अनि शीलाहरूकै बीचमा
म आफ्नो भाग्यशीला खोज्दैछु ।
Please follow and like us:
0
20
20
20