भक्ति प्रसाद पौडेल
सवको उही गुनासो सवको उही कहानी
महँगो हरेक वस्तु सस्तो छ जिन्दगानी
त्यो बैँसको वसन्ती फुलमा बसेछ यो दिल
सम्झेर रात बित्छन् भिज्छन् सधैँ सिरानी
पैले नदी बहन्थ्यो प्यासो बगर छ ऐले
हो यामकै करामत माग्दैछ हेर पानी
खै, सार जिन्दगीको नौनीसरी निकाल्थेँ !
ठेकी र नेती छैनन् भेटिन्न त्यो मदानी
हावासरी डुलिन्थ्यो चङ्गा भई उडिन्थ्यो
गार्हस्थ्य-बोझ बोक्दा फिस्सै गयो जवानी
साभार :-छन्दबहरमा गजलहरू बाट
Please follow and like us:
1
20
20
20