इन्द्रेनी, बालकविता-रमेशचन्द्र घिमिरे

आजै घाम लागेको 
आजै पानी परेको
स्वर्गबाट इन्द्रेनी 
धर्ती हेर्न झरेको !

“निधारमा रङ्ग्याउन 
सप्तरङ्गी टिकी
तिहारमा लगाइदेऊ न 
त्यसैबाट झिकी” 

यसो भन्दै दिदीसँग 
मैले कुरा गरेको 
जति बेला इन्द्रेनी 
धर्ती हेर्न झरेको !

वारि पारि फैलिएर 
रङ्ग जिउमा छरी
के हेर्दैछौ ढाड बङ्ग्याई 
कुप्रो परी परी ?

कहाँबाट कसले होला 
यति रङ्ग छरेको
के देखेर इन्द्रेनी 
धर्ती हेर्न झरेको !

लमजुङ 

Please follow and like us:

0

20

20

20