– अतित मुखिया
शुसुप्त आखा टेकेर
सुटुक्क आउछ एउटा छाया
जुनको उज्यालोमा अध्यारो भै
लाजैनमानी खुस्रुक्क घुस्रन्छ
ओछानमा मसंगै ।
नकचरो छाया
निर्वस्त्र पार्छ,सर्वांग खेल्छ
तातो निस्वासमा निथ्रुक्क भिजाउछ
नितान्त आनन्दको तलाउमा डुबाउछ
मानौ,
पीडाको मीठो काउकुती
घर्षणको न्यानो आनन्द
चोटको सितल सित्कार
अनौठो ऐठनको उत्कृष्ट तृप्ति ।
उत्कर्षको चुलीबाट खस्दा एक्कासी
झल्यस्स व्युझिन्छ पग्लेको शरीर
व्युझदा केवल आफु हुन्छु
कुमारी शरीरको कौमार्य हुन्छ
अनि हुन्छ,
भिजेको ओछ्यान र खुम्चेको शिरानी
मुटुको तिब्र स्पन्धन
स्वप्नदोष बाचेको मृगतृष्णा
म र मेरो रित्तो विपना ।
Please follow and like us:
1
20
20
20