गजल

– उमा सुवेदी

गरिबीको माड मैले धेरै पिएकी छु
दु:ख लुकाइ जिन्दगीलार्इ खुशी दिएकीछु

ठोकिने त बानी पर्यो हिँड्दा बगरमा
हिंड्दा हिंड्दै जिन्दगीमा धेरै खिएकीछु

फोस्रा बोली बोल्नेहरू धेरै भए आज
मन फाट्दा आफ्नै मनले सधैँ सिएकीछु

सागरलार्इ भेट्ने भए बग्नै पर्छ सधैँ
ढुङ्गा मुडा छालसँगै भिड्दै जिएकीछु

कस्लार्इ हुन्न बगैँचामा फूल्ने रहर हजुर !
भेटिएला वाग पनि आशा लिएकीछु

Please follow and like us: