गजल

 – प्रदिप चापागाई

आयो दशैं भन्छन् सबै,चाँजोपाँजो गर आमा,

यता सार्‍है अप्ठेरो छ,आउँदिन म घर आमा !!

परदेशी छोरो म त,पात्रो हेर्दै टोलाउँछु,
टिका पनि नजिकियो,जौ जमरा छर आमा !!

टाढिएको सन्तान सम्झी,रुँदो होला मन पनि,
साईतैमा मेरो फोटो,राखे अलि पर आमा !!

करेसामा फूले होला,मगमग सयपत्री ,
म छु यता थोरैमात्र,टिपे हुन्छ तर आमा !!

मौका मिले अर्कोचोटी,खुसी बोकी आउँला म,
मलाई सबै ठिकै नै छ,नमाने है डर आमा !! 

Please follow and like us:

1

20

20

20