– भानेन्द्र सम्बाहाम्फे ‘जुझारु’
कहाँ छौ तिमी हे युगपुरूष, लौ झट्टै आऊ न
नेपाल आमा पुकारा गर्छिन्, योध्दा भै आऊ न
अमृतधारा पिलाई दूध, सन्तान हुर्काइन्
सिपाही बनी आमाले सधैँ, सन्तान बचाइन्
सन्तान तिनै भुल्दैछन् आज, आमाको त्यागलाई
त्यसैले आमा सहारा सम्झी, तिमीलाई पुकार्छिन्
भइनन् आमा पराधिन् कैल्यै, इतिहास साक्षी छ
स्वतन्त्र बाँच्ने आमाको इच्छा, जोगिन कठीन् छ
हुरी भै आऊ उडाइ लान, आमाका दुश्मन्लाई
ज्ञानको ज्योति लिएर आऊ, अंध्यारो मास्नु छ
कहाँ छौ तिमी हे युगपुरूष, लौ झट्टै आऊ न
नेपाल आमा पुकारा गर्छिन्, योध्दा भै आऊ न
शब्द: भानेन्द्र सम्बाहाम्फे ‘जुझारु’
संगीत तथा संगीत संयोजन: कृष्णभक्त राई
स्वर: श्रेयशी चेम्जोङ्
भानेन्द्र सम्बाहाम्फे ‘जुझारु’
काठमाडौँ ।
२०६६ ।०२ ।१६
Please follow and like us:
1
20
20
20