हरि मानन्धर “विवश”
आँशुसँगै माया तिम्रो नसाटे नि हुन्छ प्रिय ।
अति माया गर्छु भनि नढाँटे नि हुन्छ प्रिय ।
तिम्रो मनको कुना कुना चहारेर निस्की सकेँ
घिउसँग मनकै लड्डु नचाटे नि हुन्छ प्रिय ।
हृदयको आवाज सुन्छु, अनि मनले बुझ्ने गर्छु
चिच्याएर मुक्त कण्ठ नफाटे नि हुन्छ प्रिय ।
सधैँ अर्ति उपदेश सुन्नु अनि गुन्नु अरे
राम्रो कुरा बीचमै अब नकाटे नि हुन्छ प्रिय
समर्पणमा हुन्छ माया, त्याग अनि तपस्यामा
बिलौनाको दुई शब्द नछाँटे नि हुन्छ प्रिय ।
Please follow and like us:
1
20
20
20