अन्तर्राष्ट्रिय नेपाली साहित्य समाज, बेलायत च्याप्टरको पुनर्गठन गरि सन् २०११-२०१३ का लागि नयाँ कार्यसमिति चयन गरिएको छ | डिसेम्बर २३, २०१० का दिन लन्डन स्थित इलिंगमा बसेको बेलायत च्याप्टरका निबर्तमान पदाधिकारीहरु, अनेसासका आजीवन सदस्यहरु लगायत अन्य वरिष्ठ नेपाली साहित्यकारहरुको भेलाले उक्त च्याप्टर पुनर्गठन कार्य सम्पन्न गरेको हो | यसअघि जुलाई २००८ मा गठित कार्यसमितिको म्याद समाप्त भै सकेको अवस्थामा अनेसास केन्द्रीय उपाध्यक्ष (युरोप क्षेत्र)श्रीमती जयालक्ष्मी राईको बिशेष पहलमा उक्त नयाँ कार्यसमिति गठन गरिएको हो |
पुनर्गठित कार्यसमितिमा सर्बश्री होम परिबाग अध्यक्षमा, जया राई र डा. रुपक श्रेष्ठ उपाधक्षमा, लक्ष्मी राई महासचिवमा, प्रकाश के.सी. सचिवमा र विकल आचार्य कोशाधक्षमा छानिनु भएको छ | च्याप्टरको सदस्यहरुमा सर्बश्री गोपी प्रसाई, शशी थापा, रुपक बनबासी, शुशिला कार्की र जोन नकर्मी रहनुभएको छ | संस्थाको सल्लाहकार तथा संरक्षकहरुको चयन आगामी बैठकले छान्ने योजना राखिएको छ |
पुनर्गठन पछि केन्द्रिय उपाधक्ष जयालक्ष्मी राईले निबर्तमान कार्यसमितिलाई बिशेष धन्यबाद दिंदै अनेसास केन्द्रीय कार्यालयको नीति र कार्यक्रम बमोजिम नेपाली भाषा, साहित्य, कला र संस्कृतिको जगेर्ना, विकास एवं बिस्तारमा आगामी दिनहरुमा अझ सक्रिय रुपले काम गर्ने कुरा बताउनुभयो |
डा. रुपक श्रेष्ठ
उपाधक्ष, अनेसास बेलायत च्याप्टर |
1
20
20
20