मन्दीरको खोजीमा

इन्जिनियर राकेश कार्की

लस् एन्जेल

आफू भित्र मन्दीर छोपी

कुन मन्दीरको खोजीमा

पण्डित हुन कि भक्तजन

बरदान खोज्छन् गोजीमा

फकाइ फुल्याइ काँध चढी

मन्दीर छुने आशामा

युधिष्टिर पनि भुलिन सक्छन्

मामा शकुनिको पाशामा

महाकवि तिम्रो यात्री हामी

तिम्रै कवितामा बग्यौँ

देवपुरीकै खोजतलासमा

नवदेश विराना पुग्यौँ

कडा मेहनत पसिनाले

मुछ्दै एकगाँस पिठो

जिवनको सन्तुष्टी नै

मन्दीरको प्रसाद मिठो

चेतनाको इश्वर उज्वल

फुकाले अभिमानको श्रीपेच

सबै हृदयमा मन्दीर होला

होमीए रिसराग दाउपेच

ऐश्वेर्यको महान मन्दीर भित्र

नचराओस् कसैको घाउ

आफ्नो मनको मन्दीर खोल

आफु भित्रै इश्वर जगाउ

Please follow and like us:

1

20

20

20