रङ्गिन बादल आकाशमा
रङ्ग नै उडिरहेको बतासमा
मन चञ्चल स्नेहको बोली
अति रमाइलो अनुपम यो होली
हाँस्दै गाउदै मस्तीको मौसम
जीवनको खुसी नाच्दै छमछम
रङ्गले भिज्यो कमिज भिज्यो चोली
अति रमाइलो अनुपम यो होली
मिठाइ मिष्ट नसा भाङको
अझै मिठो प्रेम रङ्गको
रङ्ग बिरङ्ग पिचकारीको गोली
अति रमाइलो अनुपम यो होली
मिलन सुखको श्रृंगारको त्योहार
न देश न महादेश एउटै संसार
दल्दै दलिँदै अबिर हृदय खोलि
अति रमाइलो अनुपम यो होली
इन्जिनियर राकेश कार्की
लस एन्जेलस
Please follow and like us:
1
20
20
20