– उमा सुवेदी
झिलीमिली परदेशमा अँध्यारो छ मेरो मन
कहिले पुग्नु मेरै गाउँको सल्लेरी र रानी वन
कहिले पुग्नु मेरै गाउँको सल्लेरी र रानी वन
मनको दु:ख भुलाउन कोइलीको भाका छैन
लालीगुराँस फूल फुल्ने यहाँ कुनै पाखा छैन
खैंजडी नि छैन यहाँ मादल पनि भेटिँदैन
हो बरैको भाखा हाली सारङ्गी नि रेटिँदैन
सँसारमा कहीं छैन नेपाल जस्तो सुन्दर ठाउँ
झरना खोला घन्काउँछन् गाउँ-बेसीकै प्यारो नाउँ
प्रकृतिको हराभरा डाँफे मुनाल नाँच्ने पाखा
सबैभन्दा प्यारो लाग्ने ती आमाकै न्यानो काख
Please follow and like us:
1
20
20
20