– रमेश पौडेल
समुद्रको किनारमा
अक्टोपससित गुडुल्किने
होईन मेरो घाम
र, त साँझमा
उचाली रहेछु –
उकालीहरु उचाईसम्म !
यात्रा उकालीको
यात्रा उत्साहको
थपिरहेछन उमङ्ग
उकालीका प्रत्येक सिढींहरु
र, म उक्लिरहेछु
बग्दै बग्दै रहरको उकाली !
चिसिदैँछ घाम
पुगेर पर-
पल्लो डाँडामाथि
अहँ ∕ बस्दैन बास
मेरो घाम, समुद्रको किनारमा
ड…ुबाउदैन सारा रहरहरु समुद्रमा
र, त उक्लिरहेछु मौरे !
यात्रा उकालीको
यात्रा उत्साहको
भिन्न लाग्छ यो उकालो
जति चढ्छु पाईतालाभरि
उति जान्छु चुलिँदै
सकेर सिनित्तै सिँढीहरु
बिसाउनुछ तोक्मा
फुकेर गुँरासे पिपिरी
बोलाउनुछ गाउँले कविलाई
र, उदाउनुछ-
मिर्मिरेमै ट्याम्केबाट !
∞∞∞
© रमेश पौडेल
गरिमा – पुस २०६६
Please follow and like us:
1
20
20
20