हरि मानन्धर “विवश”
कति दिन अघिबाटै केहि भन्न खोज्दै थियौ
हजारौँको भीडबाटै मलाई नै रोज्दै थियौ
काम्दै थिए ओँठ तिम्रा, साथीसँग कुरा गर्दा
लजावती बनेकिथ्यौ, मेरो सामु तिमी पर्दा
आवाज पनि रोकिए झै, अड्किएर बोल्दै थियौ
हजारौँको भीडबाटै मलाई नै रोज्दै थियौ ।
नलुकाई भन सानु मन भरिका बलौना नि
समयले कोल्टे फेरे, सकिदैन सिलाउन नि
छड्के हेर्दै, कुरा फेर्दै, मलाई नै घोच्दै थियौ
हजारौको भीडबाटै मलाई नै रोज्दै थियौ ।
कति दिन अघिबाटै केहि भन्न खोज्दै थियौ
हजारौँको भीडबाटै मलाई नै रोज्दै थियौ
Please follow and like us:
1
20
20
20