-भानु सुनुवार ‘तिरस्कृत’
तिमी आयौ कालरात्रीमा, पूर्णिमाको जून बनि,
किन खायौ मेरा सपना, जिन्दगीको घुन बनि ।
मेरो मायाँ जूनी भरको, हजुरकै लागि भन्थ्यौ,
साथ दिन हजुरलाई, आफन्तनै त्यागे भन्थ्यौ ।
पार्नलाई मायाँजालमा, तिमी आयौ सुन बनि,
किन खायौ मेरा सपना, जिन्दगीको घुन बनि ।
कहाँगए बाचाकसम, किन हिड्ने बाटै मोड्यौ,
थियो नाता नङ्गमासुको, सबैभूली नातै तोड्यौ ।
थाँती बस्यो तिम्रो बचन, मुटू खाने धून बनि ,
किन खायौ मेरो सपना, जिन्दगीको घुन बनि ॥
हाल, दोहा, कतार ।
Please follow and like us:
1
20
20
20