पुष्प तुलाधर
गुलाब स्वांमाय्
छफ्व:गुलाब स्वां
थ:गु हे नस्वालं
गुजुहुं कायेका:
गुलाबि उं
जल्ल थिना बी
मयजुया म्हुतुसी।
चंचंधा:गु मिखा छज्व:
चुलुबिया कुतुवइ,
बसन्तं का:गु फसं
पुइका यने न्ह्य:
छग्वलं मिखा
नाइक फया बी
मिखाया नानी।
ह: म्हासुइभनं हलं
वाउंक छब: छी,
पलसुं छिनात:म्ह सपुरी
नच्चाम्ह मियो
सुति तिकि ननीथें
झ्यालं क्वस्व: वइ,
पुन्हिया जती।
बुँगा:थें मिखाय्
ल:ल:धा:गु लखय्
थ:गु हे हिसिं
ख:गु लिजलाय्
क्वसिना वंम्ह वं
ल्यासेसू चुइकी,
बा:व:गु खुसी।
व उंदुने उनं
छब: जक उं
दुगं ह्वया बी,
मयजुया समा
स्याउया सालुगु पिब:थें
मिखाय् ध्वइ, थी
मयजुया हिसी।
*
ने सं ११३१ कछला थ्व १० शुक्रवा:
*
मियो – “मेमोयर्स अफ अ गीशा”या नकिं
निट्टा सपुरी – मियो गीशा जुइ धुंका छूगु नां
थी – थिइगु (ब्राइटनेस)
*
(स्रोत : झीगु डट कम)
Please follow and like us:
0
20
20
20