छैन मसित त्यस्तो केही छैन
चिटिक्क रूप
कुवेरको धन
लाली यौवन
पवित्र जवानी
साँंच्चै त्यस्तो केही छैन मसित
जुन बिकोस्
- तिम्रो बजारमा
जुन सजियोस् - तिम्रो घरमा
मेनुमा हालियोस् - तिम्रो होटेलमा
सार्वजनिक गरियोस् - स्टक एक्सचेन्जमा ।
चाहिँदैन
अहँ
कसैलाई चाहिँदैन
सबैले खोज्ने
तर
कसैलाई नचाहिने
मसित केवल
इमान छ ।
मलाई थाहा छ
त्यसले
सबैभन्दा बढी खरिदवबिक्री भोग्छ ।
अरू त सबै तिमीलाई
नामसारी दिइसकेको छु
- itihaasa इत्तिहास र संस्कृति
- संस्कार र सम्पदा
- भाषा र धर्म
मसित अझै
तिमीले खोस्न खोजेको
केही खतरनाक कुरा बाँकी छन्-
पहिलो
- तिमीले उहिल्यै बहिस्कार गरिसकेको
साँस्कृतिक पहिचान
दोस्रो
- तिमीले ओठबाट खोस्न चाहेर पनि नसकेको
आदिवासी मुस्कान
तेस्रो
- तिमीले जलाएर, भत्काएर बाँकी रहेको
मौलिक धरोहर
जसलाई बनाउन सक्ने
शक्ति, सामर्थ्य र शिल्प तिम्रो रगतमै छैन ।
भन त तिमीसित
बुद्ध छ ?
- भक्तपुर
Please follow and like us:
1
20
20
20