आँशुसंग हाँसो – अग्नीप्रसाद केदेम लिम्बू

गुनासो (गजल)

आँशुसंग हाँसो साट्ने धेरै दाँत रहेछ
आहा !कत्रो अहम्बाजको मात रहेछ

जीवन भरी पश्चात्तापमा बस्नु त
डालीसंगै भाँची झरेको पात रहेछ

निष्ठुरी मायालुसंग मुटु साट्नु त
भुलमात्र हैन हृदय घात रहेछ

बादल माथि आकाश फाट्नु त
मध्य दिनकै अँध्यारो रात रहेछ

उल्लासको स्वार्थमै विकिरहने
मानवहरू खै: कस्तो जात रहेछ ।।

अग्नीप्रसाद केदेम लिम्बू
बेलायत
25/07/20

Please follow and like us:

1

20

20

20