गजल

-अजय पारस  
नर्क यही स्वर्ग यही भगवान कहाँ छ ?
सबै भर्छन् आफ्नै पोल्टो ईमान कहाँ छ ?

यिनै मानव भगवान हुन् यिनै दानव ।
सधै सँगै हुन्छन् तर पहिचान कहाँ छ ?

कति सुत्छन् भोक भोकै सडक पेटीमा ।
राज्यले दिने यिनलाई ओछ्यान कहाँ छ ?

गजल लेख्छन् गजलकार मुटु फुटाएर ।
गाउने चर्चित हुन्छ लेख्नेको बयान कहाँ छ ?

म तड्पी तड्पी मसानमा खोजिरहेछु ।
प्रियाले उपहार दिएकी चिहान कहाँ छ ?

जनकपुर

Please follow and like us:

1

20

20

20