सानो हुँदा गोठालो झैं साथ दिने मेरी आमा
ताते-ताते हिंडाउन हात दिने मेरी आमा ।
दश महिना कोखमा राखी संसार देखाउन
तोते बोली सिकाउँदै काख दिने मेरी आमा ।
मेरो नानी-बाबु भनी मेरै पिर-चिन्ता लिने
जता-ततै ममताको थाक दिने मेरी आमा ।
आफु भोकै-तिर्खै बसी देखभाल मेरो गर्ने
बनीबूतो जोहो गरी भात दिने मेरी आमा ।
हुर्की बढी ठुलो भएँ अब दुधको भारा तिर्छु
असल बाटो देखाउँदै माथ दिने मेरी आमा ।
संसारमा कोही छैन आमा भन्दा महान अरु
हर्दम मेरो उन्नतीमा गाथ दिने मेरी आमा ।
साभार – फेस बुक –
गजलकार -गणेश खड्का
( मातातिर्थ औंशी ” MOTHER’S DAY ” को महान अवसरमा संसारका समस्त ममतामयी आमाहरुमा समर्पित । )
Please follow and like us:
0
20
20
20