मन दुख्यो

          -नवराज बुढा 'नवीन उदासी'

अतितको घाउ कोट्याउँदा तिमीले मन दुख्यो ।
आफै सम्हालिएर बस्छु भने तर झन् दुख्यो ।

मैले बोल्ने हरेक शब्दमा सम्बोधन खोज्दैछ्यौ
त्यसै तिमीलाई किन खै ! आज मेरो बचन दुख्यो ।

तिमि त सम्पन्न छौ मायाँको पनि पैसाको पनि
तर यो उदासिलाई बिपन्न महलमा धन दुख्यो ।

बाहिर हेर्दा त हाँसेकै छु पिडा सबै लुकाएर
भित्र पनि हाँस्छु भने आफै संग तर तन दुख्यो ।

एउटा रुंदा अर्को हाँस्ने संसारको रित यस्तै छ
विरहमा न्याउली रुंदा मेरो एक्लो पन दुख्यो ।।

Please follow and like us:

0

20

20

20