ढुङ्गालाई

-बिजय फोम्बो

कोही छ कि ? सधैं’नै हसाउने ढुङ्गालाई,

कोही छ कि ? पानी’झै रसाउने ढुङ्गालाई ! 

चक्रव्युहमा अभिमन्युलाई फसाए जसरी,

कोही छ कि ? जालमा फसाउने ढुङ्गालाई ! 

प्रेमिकाको तस्वीरमात्र किन टाँस्छौ प्रेमी ?

कोही छ कि ? प्रेमले टसाउने ढुङ्गालाई !  

शवलाई छोडी मलामी घर फर्केर जाँदा,

कोही छ कि ? आँशु खसाउने ढुङ्गालाई !

आकाश-धर्तीको मायालु जून-फूल जस्तै,

कोही छ कि ? मनैमा बसाउने ढुङ्गालाई !!

महेश्पुर- १, झापा                 

हाल: दोहा,कतार

Please follow and like us:

1

20

20

20