-राजु मुखिया”दर्पण”
ढोग्नेहरु भन्ने गर्छन शहरमा छ जिन्दगानी !
भोग्नेहरु भन्ने गर्छन कहरमा छ जीन्दगानी !!
कसैलाई मीठो होला शरद को पारिलो घाम !
कसैलाई शीत खस्ने प्रहरमा छ जिन्दगानी !!
जिन्दगीको अर्थ बुझ्न आकाश नै किन छुनु !
गरिबीमा डुबी हेर नहरमा छ जिन्दगानी !!
सडकपेटी दोबाटोमा खोक्रो भाषण दिने लाई !
के थाहा र गजलको बहरमा छ जिन्दगानी !!
कोहिभने शराबमा जिन्दगीको मजा लिन्छन !
गरिब को घरमा हेर जहरमा छ जिन्दगानी !!
दोहा कतार ।
Please follow and like us:
1
20
20
20