लसापको भेटघाट कार्यक्रम सम्पन्न
रोल्पा, पुष २७ । ललित साहित्य परिषद् रोल्पाले आज लिबाङमा मध्यपश्चिमाञ्चल विश्वविद्यालय द्वन्द्व र शान्ति अध्ययन विभागबाट आएका सहप्राध्यापक तथा विद्यार्थीहरुसँग भेटघाट गरेको छ ।
द्वन्द्व र शान्ति अध्ययन कार्यक्रमका लागि २ जना सहप्राध्यापकसहित १२ जना विद्यार्थीको टोली केही दिनअघि रोल्पा आएको हो । भेटका अवसरमा द्वन्द्व र शान्ति अध्ययन विभागका उपप्राध्यापक ललितजंग शाहीले मध्यपश्चिमाञ्चल विश्व विद्यालयको बारेमा जानकारी दिएका थिए भने द्वन्द्व र शान्ति अध्ययन विभागमा अध्ययनरत विद्यार्थीहरुले ललित साहित्य परिषद्को स्थापना र यसले अहिले गरिरहेको कार्यक्रमहरुको बारेमा जिज्ञासा राखेका थिए ।
विद्यार्थीहरुले राखेको जिज्ञासाको बारेमा परिषद्का संस्थापक अध्यक्ष डी.बी. टुहुरोले परिषद्को अवस्थाको बारेमा जानकारी दिनुभएको थियो ।
सोही अवसरमा सहभागी साहित्यकारहरुले आफ्ना रचना वाचनसमेत गरेका थिए ।
1
20
20
20