जिउँदै मान्छेलाई मर्यो भनी
रोगको बहानामा एक्लै पारिन्छ यहाँ ।
स्वास्थ्य पनि स्वार्थपूर्ण भयो
एउटा विज्ञप्तिले टारिन्छ यहाँ ।।
कोरोना संक्रमण फैलिसक्दा पनि
न त व्यापक परिक्षण गरिन्छ यहाँ ।
लकडाउन मात्र विकल्प सोच्दा
गरिबलाई भोकभोकै पारिन्छ यहाँ ।।
देशको सीमामा गाडी चल्दा पनि
कुर्सीकै हानाथाप गरिन्छ यहाँ ।
जनतालाई थामथुम पार्नको लागि
नयाँ नक्सा अघि सारिन्छ यहाँ ।।
जनता त जनता नै हुन्
बोल्नेको मुख टालिन्छ यहाँ ।
विरामी भएमा के गर्ने होला
बाहिर निस्के नाङ्गै पारिन्छ यहाँ ।।
खेतवारी जान पाइदैन बरु
सिमाना पार गर्न पाइन्छ यहाँ ।
यहाँको के कुरा गर्नु
जिउँदै मान्छेलाई मारिन्छ यहाँ ।।
समाप्त
Please follow and like us:
1
20
20
20