फतक्क थकाइदिने

सधैँ सधैँ भुलाउने बातैमा तिमीले

जानी जानी छोइदिने हातैमा तिमीले

 सँगै सँगै हिँडदा पानी परे सिमसिम

नजिक नजिक टसाउने छातैमा तिमीले

 कहिले माया पिएर कहिले पिलाएर

डुबाउने त्यो हेराइको मातैमा तिमीले

 घरी घरी आवेगमा माया बटुलेर

लुकाउने अँगालोको तातैमा तिमीले

 घुमाउने ल रमाउने हँसाउने दिनैमा

फतक्क थकाइदिने रातैमा तिमीले

इन्जिनियर राकेश कार्की

लस् एन्जेलस्

Please follow and like us:

1

20

20

20