-सुवास संगम राई
जन्मे पछि नहुर्की नै शोषक हुन थाल्नेलाई के भनुँ र खै |
आत्मा भित्र कुकर्तव्य सोंचाईहरु पाल्नेलाई के भनुँ र खै |
भविष्य त्यो नसोंचेर वर्तमानमै सुमार्गलाई छाडी यहाँ,
जानी-जानी कुमार्गमा पाइलाहरु चाल्नेलाई के भनुँ र खै |
नेपाली भै नेपालीको रगत चुसी बिदेशीको पाउमा पार्दै,
आफ्नै दौरा फटाएर अरुको कोट टाल्नेलाई के भनुँ र खै |
लिप्सा मन र हृदयले धर्मचार्य हुँ भन्दै ति निमुखालाई,
लत्याएर अग्निकुण्ड भित्र यहाँ हाल्नेलाई के भनुँ र खै |
‘सुवास’ बेगर फूल झैं बुद्धि नभएका अमानवका गुदिहरु,
आफ्नै तिग्रा छिनाएर यहाँ आफै ढाल्नेलाई के भनुँ र खै |
लोखिम-३,सोलु ।
Please follow and like us:
0
20
20
20