युवराजलाई कलाश्री

काठमाडौं, आश्विन १२ – यस वर्षको कलाश्री सम्मान तथा पुरस्कार शुक्रबार घोषणा गरिएको छ । नेपाली कलासाहित्य डट कम प्रतिष्ठानले राष्ट्रिय कलाश्री सम्मान साहित्यकार तथा चित्रकार मनुजबाबु मिश्रलाई, कलाश्री पुरस्कार साहित्यकार डा. ध्रुवचन्द्र गौतमलाई र ससिद्धि कलाश्री युवा पुरस्कार युवराज नयाँघरेलाई दिने निर्णय गरेको हो । कलाश्री पुरस्कारमा ७५ हजार र युवा पुरस्कारमा ५० हजार रुपैयाँ रहेको छ ।

यसअघि राष्ट्रिय कलाश्री सम्मान जगदीश घिमिरे, मदनमणि दीक्षित, सत्यमोहन जोशी, शशी शाह, फत्तेमान राजभण्डारीले पाइसकेका छन् भने कलाश्री पुरस्कार इन्द्रबहादुर राई, सुकर्म सांगीतिक समूह, डा. गोविन्दराज भट्टराई, गीता केशरी र डा. राजेन्द्र विमलले पाइसकेका छन् । ससिद्धि कलाश्री पुरस्कारचाहिँ कवि विप्लव ढकाल र श्रवण मुकारुङले पाइसकेका छन् । पुरस्कारहरू कात्तिक १४ मा प्रदान गरिने प्रतिष्ठानले जनाएको छ ।