आफ्ना सपनाहरु मारेर
मेरै सपनाहरु सजाउने
ती आँखाहरुमा,
मायाको भाव छचल्काउन सकुँ ।
आफ्नो गाँस काटेर
मलाई तृप्त गराउने
ती हातहरुलाई,
आफ्नो माथमा सजाउन सकुँ ।
जिन्दगीको पहिलो पाठशाला रुपी
ती बोलीहरुलाई,
जिवनको मार्गदर्शक बनाउन सकुँ ।
मेरा इच्छाहरु बुन्दा बुन्दै खिइएका
ती पैतालाहरुलाई,
गौरवले सधैं चुम्न सकुँ ।
मेरो निम्ति अर्पित गरेको
त्यो जीवनलाई,
खुशीको होलीले रंगाउन सकुँ ।
जिन्दगीका तीता-मिठा कथा बोक्ने
हजुरको जन्मदिनलाई,
सयौं हजारौं बर्ष मनाउन सकुँ ।
जन्मदिनको अनगिन्ती शुभकामना बुवा।
नाम: रमेश अधिकारी
चितवन, हाल:काठमाडौ ।
Please follow and like us:
- याक्थुङ पहिचान र कुवाना कुजाका सुब्बाहरु- कृष्णकुमार हेम्ब्या
- म खुसी बटुल्दै हिँडेँ- शर्मिला खड्का (दाहाल)
- अर्को युटोपिया – महेश कार्की ‘क्षितिज’
- लघुकथा: टाइम मशिन मनोज रेग्मी
- लघुकथा – चेतना -प्रेम पुन मगर
- भाइभाइको प्रेम -शेर सिंह
- नेपाली भाषालाई खजजुम्ली भन्न र नेपाली साहित्यको परिभाषा सच्याउन तिगेलाको ज्ञापनपत्र
Sahitya Samachar